UWAN SA UDTONG TUTOK

Walay dag-om nga miduhig
sa kaputli sa kalangitan
Walay Kilat nga nikidlap
ug dogdog nga nilagapak

Hait kaayo ang bidlisiw
ni haring adlaw
ug init ang hangin
nga nibadlas ug nihampas

Apan pagbantai, akong higala
Mas maau mopasilong ka
ang uwan ni bunok na
mga aping ko pwerte ng basaa

BALAK ALANG KANG INAHANG MAYA

Milupad na pahilayo
ang inahang maya
ug gibiyaan na
niya ang salag
nga saksi sa
iyang mga sakripisyo.

Mga sakripisyo
tungod sa iyang gugma
sa iyang upat ka piso.

-mobiya ka man sa
among kiliran, magpabilin
ka nga naay luna sa among
dughan....

REKLAMO NI KAWAD-ON

Ako nalang
ang pirming
mahayon sa mga
pangandoy nga
wala makab-ot!!

Ako nalang
ang han-okan
sa tanang kaligotgot
sa mga damgong napal-ot!!

AKO!! AKO!! AKO!!
NGANO DILI MAN NINYO
BASOLON SI PANINGKAMOT!!??

-KAWAD-ON

PAG TSUR OI!!

Wala man ko nahigugma nimo
apan malipayon ako kung naa
ka sa akong kiliran ug
Kusog pa raba gayud kaayo mo
pitik ang akong dughan

wala man ko nahigugma nimo
apan ikaw akong pirmi gihuna-huna
Kanonay kang anaa sa akong alimpatakan
Panagway mo kanunay kong makit-an

Wala man ko nahigugma nimo
apan dli gayud ko mosugot nga
pasakitan ka ni bisan kinsa
bisan mga langaw dli na patugdonon
ug mga lamok akong pamatyon

Wla man ko nahigugma nimo
apan kanimo ako magpangita
bisan bag-o pa lang ta nagkita
human sa mobo kaau nga panahon
maghandom daun ko sa imong pahiyom

Wla man ko nahigugma nimo
apan ikaw akong kalipay
sa matag karon ug unya
Nindot kaau ang mga katawa
kung pagasawhan natong duha

Wla man ko nahigugma nimo
apan ikaw ang kahayag sa
mangitngit ko nga kagabhion
Ikaw ang mahayag nga buwan
nga nidanlag sa mangitngit kung dughan

Wla man ko nahigugma nimo
apan gusto ko kanonay nga
makoptan ang imong mga kamot
Kuptan nako sa igong kahugot
igong hugot nga dili pud mahuslot

Wla man ko nahigugma nimo
apan andam ko nga ibuhis
kanimo ang akong kinabuhi
isakrispisyo nako ang tanan
ikaw akong pakamatyan

Wla ko nahigugma kanimo
apa timan-i lang nga
IKAW ANG PINAKAIMPORTANTE
SA AKONG KINABUHI

para kang inday...

Lisod itugma ang
mga pulong aron
ihalad ko kanimo ug
wala akoy bulaklakon
nga balak nga
akong ikapasigarbo..

Kay kulang ang mga
laglom nga pulong
ug kuwang ang
mga bulaklakon nga balak
aron akong ikaladlad
ang akong gibati diha
kanimo..

Nagsige ko ug huna-huna apan
Wala..Wala...Wala..
Gipugos ko pagkulit ang mga pulong..
Lisod..Lisod..Lisod..
Tutuki nalang ang akong mga mata
Kay sultian nalang tka..
"GIHIGUGMA TIKA DAY..WLAI PULONG
UG BALAK NGA MAKASAYSAY"

mga kolor..

Gikoloran mo ang akong kalibutan
sukad ikaw mipuyo sa akong dughan
Mga kolor nga nibutang ug kinabuhi
sa kasingkasing ko nga kamingaw ang gibati

Pula ang kolor sa gugma -
Gugmga nga sama sa gamai nga liso
Adlaw-adlaw, mohinay pag tubo
Ugma damlag kahoy na nga dako
Kahoy nga dli na mabuno

Dalag para sa mga paglaom -
Kahayag nga akong naangkon
Matag adlaw ikaw ang inspirasyon
Mga ambisyon ug mga damgo
Kab-oton ko tungod ug alang kanimo

Asu(blue) pasabot panaghigalaay -
Diha ta gisugdan ang tanan
Amigo o amiga ang tinawagan
Mga katawa nga atong gisawhan
Kalipay nga dli matupngan

Lunhaw alang sa kinaihayan -
Kalinaw kalit akong nakit-an
Sa mga oras nga naa ka sa kiliran
Mahupay ang akong dughan
kung kamot mo akong makuptan

Puti, simbolo sa kaputli -
Kaputli sa akong pagbating gihalad
Salamat sa wala mo pagbalibad
Mga pagbati nga tinuoray
Paningkamotan ko nga d ka magmahay

Itom alang sa mga pagsuway -
Mga balod nga kalit mobasa
Sama sa pagbadlis sa atong luha
Mga dli nato pagsinabtanay
Hinaot padayon kita sa pagkinoptanay
Sa relasyon dili gayud malikayan
Nga dughan ginagmay masakitan
Dli lang nato gayud kalimtan
Nga ang tanan pagsuway lamang
Kung ang balod kalit moabot
Guniti lang ang akong mga kamot
Gakson tika sa igong kahugot
Pagsuway dli na makadoot

"SALAMAT..SALAMAT..ug DAGHANG SALAMAT
sa mga kolor nga giduhig mo niinging akong dughan"

LUHA SA UWAN

Idungan ko ang akong
paghilak sa uwan aron
akong mga luha dli ninyo
makit-an....

Idungan ko ang akong
paghilak sa uwan aron
kasakit ko dli ninyo
mabatyagan...

Idungan ko ang akong
paghilak sa uwan
aron ang pagkabasa
sa akong aping dli ninyo
mabantayan..

Idungan ko ang akong
paghilak sa uwan tungod
dli ako gusto nga ipakita
kaninyo ang akong kahuyang
nga natabonan sa luyo
ning baskog ko nga dughan...